Upplifun mín, sirka í gær:
Þú labbar inn í matvöruverslun. Þú ýtir innkaupakerunni á undan þér með
annarri hendi og heldur á bleikum post it miða í hinni. Á hann hefur þú skrifað
niður samviskusamlega, hinn ,,heilaga“ innkaupalista. Þú ert hálf ringluð, kannski
er það vegna þess að þú og innkaupakerran voruð nýbúin að sigra bratt
„rúllustiga-færiband(?)“ saman, með það að markmiði að komast úr
bílakjallaranum upp í kræsingarnar. Kannski er það vegna þess að þú hefur
aldrei stigið fæti inn í stærri matvöruverslun? Eða vegna þess að þar reynist
ekki þverfótað fyrir Ítölum? Það er ekki tími fyrir læknishjálp eða frekari
sálgreiningar, þú verður að halda áfram eða þú treðst undir. Þú beitir þig
heraga, fylgir innkaupalistanum eftir og grípur viðeigandi matvörur þegar þær
verða á vegi þínum. Þú ert farinn að finna þig í ferlinu og tíminn virðist gufa
upp. Það er þá sem hann stoppar, stendur í stað og allir þagna í versluninni.
Við þér blasir þessi líka fallegi ananas í fullkomri stærð! Það er eitthvað
ævintýranlegt við hann. Ítalir hafa sennilega ekki séð sneggri viðbrögð, þú
kippir þeim gula úr körfunni og bindur þar með enda á ávaxtakúrið sem hann
virtist vera sáttur með. Þú borgar, kemur krúttinu vel fyrir í innkaupapokanum
– þakkar innkaupakerrunni fyrir að hafa sigrað stríðið með þér sem þú háðir
gegn ítölsku matargötunum og forðar þér heim. Góðgæti ríkari!
...þarf svo varla að taka það fram að þessi ananas var sá besti sem ég hef gætt mér á!
Alltaf svooo gott að lesa og skoða bloggin þín!
ReplyDeleteGetum við keypt heila körfu af þeim næst og borðar bara ananas, alltaf?
ReplyDeleteSamþykkt - held við ættum að geta lifað á þeim! Alltaf.
Delete