29. janúar, dagur 29 - lærdómspásunni eytt í hefðbundið stalkerí...
Wednesday, January 29, 2014
Gleymi mér
Þegar ég þarf að róa hugann reynist það mér oft vel að renna í gegnum myndir. Pikka út það sem höfðar til mín, sækja mér inspiration. Einfaldlega leyfa mér að gleyma mér... Þannig fæ ég tækifæri til þess að horfa á "tilfinningar mínar" og vangaveltur- utan frá. Ég laðast oft að mismunandi myndum eftir dögum. Reynist mér oftar en ekki áhugavert að renna í gegnum þær...
Hér að neðan er brot af þeim myndum sem ég hef sankað að mér upp á síðkastið.
Hér að neðan er brot af þeim myndum sem ég hef sankað að mér upp á síðkastið.
Dagur 28
28. janúar, dagur 28 - Gæti vanist því að enda daginn á pina colada í ...tignarlegum ananas... #hæóvæntiananas
Tuesday, January 28, 2014
,,A Milano il tattoo diventa social per diventare un'unica grande stella..."
Listamaðurinn, Rossana Ciocca sem stendur á bakvið hugmyndina um tattoo-ið ,,who is going to be the next star" bað um að fá að velja nokkrar af myndunum sem bekkurinn minn skilaði inn í Contemporary art. Verkefnið var að taka ljósmynd sem innihélt tattoo-ið, reyna að túlka meiningu þess. Myndin sem ég skilaði inn birtist því á ítalskri fréttasíðu í dag(nr. 6) og má finna hér. Þar geti þið einnig séð nokkrar útfærslur samnemenda minna.
Ég hef þó ekki kynnt mér almennilega innihald greinarinnar en býst við að notast við google/translate seinna í dag...
Sólrún - þú ert formlega orðin handamódel...
Sunday, January 26, 2014
Naviglio Grande í svarthvítu
Naviglio Grande í svarthvítu fyrir svarthvíta hjartað mitt.
2 sek seinna snýr myndarmaðurinn fyrir miðju sér við, augu okkar mættust og við urðum ástfanginn í 5 sek. Ég verð oft ástfangin í 5 sek hér.... |
Svo varð ég skotin í Jóakim og eiganda hans! |
Viðurkenni svo að ég heillaðist af þessum. Skotin, efast þó um það... |
...þessi var frátekinn. |
..okay, önnur mynd. En viðurkenni þó ekki að um ást hafi verið að ræða! |
...á það svo til að detta úr sambandi ef ég er svo heppin að spegill verði á vegi mínum! Það atvik náðist greinilega á mynd í dag... |
...við þennan hefði ég viljað spjalla! |
En þegar upp var staðið varð ég mest skotin í Naviglio Grande. Takk fyrir mig! |
Naviglio Grande
Naviglio Grande er einn af mínum uppáhalds stöðum í Mílanó. Gata með sál. Í lok hvers mánaðar er þar vintage markaður og gersemarnar flæða um göturnar. Ég læt mig dreyma um næstum allt...
Mannlífið er alltaf fjölskrúðugt og auðvelt að gleyma sér - gatan virðist vera í miklu uppáhaldi hjá hipsterum Mílanóborgar ;) Ég vona að ég nái að eyða sunnudegi í lok hvers mánaðar þarna, næstu mánuði! Neyðist þó sennilega til þess að skilja veskið eftir heima í einhver skipti ef ég ætla mér ekki að taka skip heim til Íslands í sumar...Sunnudagssæla.
Saturday, January 25, 2014
Friday, January 24, 2014
Dagur 24
24. janúar, dagur 24 - Föstudagskvöld, margherita!
...ó milli okkar hefur myndast hættuleg vinátta. Hún er farin að ögra mér! Pizzastaðurinn á Horninu býður upp á eina bestu margheritu sem ég hef smakkað! Ég myndi reyndar seint panta mér margheritu heima á Íslandi en hér fær hún að daðra við bragðlaukana! Hvað þarf maður meira en ítalska pizzasósu, fullkominn botn og veglegt magn af osti? - ef þið hafið svarið endilega komið því til mín... áður en ég spring... (broskall)
Dagur 23
Janúar 23, dagur 23 - gersemarnar mínar. Hlakka til að kynnast ykkur betur!
Ég erfði Agfa isola filmuvélina í vinstra horninu frá lang afa mínum Helga í vetur. Vélin hafði verið gjöf til sonar hans Bjarna fyrir um 50 árum en Bjarni lést um tvítugt. Það sér ekki á vélinni og mér þykir svo vænt um hana að hjarta mitt tekur auka slög þegar "augu" okkar mætast. Ég get ekki beðið eftir að framkalla fyrstu filmuna úr henni á næstkomandi önn. Ég finn á mér að samband okkar mun heilla mig - tilfinningaríkt og snoturt!
Subscribe to:
Posts (Atom)